შავი პაელია

გსურთ, რომ ნამდვილად გააოცოთ სტუმრები ან ახლობლები? მაშინ გთავაზობთ შავი პაელიას მომზადების ორიგინალურ რეცეპტს. ეს არის წარმოუდგენლად ლამაზი და არაჩვეულებრივი კერძი.
არ შეიძლება ითქვას, რომ შავი პაელია სახლის პირობებში გემოთი დიდად განსხვავდება კლასიკური ვარიანტისგან, თუმცა მას აქვს თავისი განუმეორებელი გემო და არაჩვეულებრივად გამოიყურება. თავის ფერს ის ბუნებრივი კომპონენტის — ზღვის კალმარის მელნის (კარაკატიცას მელნის) წყალობით იღებს. უკვე დაინტრიგებული ხართ? მაშინ სცადეთ ამ არც ისე რთული რეცეპტის გამეორება თქვენს სამზარეულოში.

ინგრედიენტები

• კრევეტები 100 გრამი
• კალმარები 100 გრამი
• თევზი 100 გრამი
• ზეითუნის ზეთი 4-5 ს.კ.
• ნიორი 8 კბილი
• ხახვი 1 ცალი (თავი)
• ბულგარული წიწაკა (ტკბილი წიწაკა) 2 ცალი
• ღვინო 50 მლ
• მარილი 1 მწიკვი
• წიწაკა 1 მწიკვი
• ზაფრანა 1 მწიკვი
• ოხრახუში 1 მწიკვი
• ლიმონის წვენი 2 ს.კ.
• ბრინჯი 500 გრამი

დამზადება

1. დასაწყისისთვის, ტაფაზე უნდა გააცხელოთ 1 კოვზი ზეითუნის ზეთი და ჩაყაროთ მასში კრევეტები. ოდნავ შეწვით (არა მზადყოფნამდე) და გადაიტანეთ თეფშზე.
2. საჭიროების შემთხვევაში, დაამატეთ კიდევ ცოტა ზეთი და შეწვით თევზი. შავი პაელიას მომზადების რეცეპტში შეგიძლიათ გამოიყენოთ ნებისმიერი თევზი და ზღვის პროდუქტი გემოვნებით.
3. ასევე, ცალკე უნდა შეწვათ კალმარები და სხვა ზღვის პროდუქტები. ტაფაზე ისინი უნდა გააჩეროთ მხოლოდ რამდენიმე წუთი, რომ ზღვის პროდუქტები არ გამაგრდეს.
4. შემდეგი ეტაპია ბოსტნეულის შეწვა. ხახვი გაფცქვენით, დაჭერით კუბიკებად, მოათავსეთ ტაფაზე გაფცქვნილ და დაჭრილ წიწაკასთან ერთად. ოდნავ მოაყარეთ მარილი და პილპილი გემოვნებით. ოდნავ შეწვით, შემდეგ კი ტაფაზე დაამატეთ ღვინო.
5. ამასობაში, პომიდორი დაჭერით პატარა კუბიკებად და დააქუცმაცეთ ნიორი. დაამატეთ ტაფაზე, შუშეთ რამდენიმე წუთი.
6. ჩაყარეთ ბრინჯი და კარგად აურიეთ.
7. ახლა უკვე შეგიძლიათ დაამატოთ წყალი ან ბულიონი (საუკეთესოა თევზის ბულიონის გამოყენება). მიიყვანეთ ადუღებამდე და მოაყარეთ მარილი გემოვნებით. დაამატეთ ზაფრანა და ლიმონის წვენი.
8. ბრინჯი ხარშეთ დაბალ ცეცხლზე დაახლოებით 7 წუთის განმავლობაში. დროა დავამატოთ კერძის მთავარი ხიბლი — მელანი. მისი შეძენა შეგიძლიათ ცალკე ან თავად გამოაცალკევოთ კალმარის სპეციალური მელნის ტომრიდან.
9. გადმოალაგეთ ზღვის პროდუქტები და დაახურეთ თავსახური. შავი პაელია სახლის პირობებში შეიძლება დასრულდეს ღუმელში. სუფრაზე მიტანის წინ კერძი შეგიძლიათ მორთოთ ახალი მწვანილით.