პასტა მუჰამარა

მიირთვით მზა თურქული პასტა „მუჰამარა“ პიტასთან, ლავაშთან, პურთან ერთად, ან გამოიყენეთ როგორც სოუსი თევზისა და ხორცის კერძებისთვის.

ინგრედიენტები

• წითელი ბულგარული წიწაკა — 4 ცალი
• ხახვი — 1 ცალი
• ნიგოზი — 100 გრ
• ზეითუნის ზეთი — 3-4 სუფრის კოვზი
• საფანელი (პანიბოროჩნი სუხარი) — 3-4 სუფრის კოვზი
• ბროწეულის სიროფი (ნარშარაბი) — 2 სუფრის კოვზი
• თეთრი ღვინის ძმარი ან ლიმონის წვენი — 1-2 სუფრის კოვზი
• ნიორი — 1-2 კბილი
• ძირა — 0,5 ჩაის კოვზი
• ცხარე წიწაკა ან სოუსი — გემოვნებით
• მარილი — გემოვნებით
• შავი დაფქული პილპილი — გემოვნებით

დამზადება

1. გარეცხეთ წიწაკა, შეამშრალეთ და მოათავსეთ საცხობ ფორმაში. გააცხელეთ ღუმელი 200 გრადუსზე და აცხვეთ წიწაკა სრულ მზადყოფნამდე, სანამ ოდნავ არ დაიბრაწება.
2. დაჭერით ხახვი და ნიორი მსხვილად.
3. მოშუშეთ ხახვი და ნიორი მცირე რაოდენობით ზეითუნის ზეთში, სანამ გამჭვირვალე არ გახდება.
4. პატარა თუჯის ტაფაზე ოდნავ შეაშრეთ/მოხალეთ ნიგოზი.
5. გამომცხვარი წიწაკა გააგრილეთ, გააცალეთ კანი და თესლები.
6. ბლენდერში მოათავსეთ ხახვი, ნიორი და ნიგოზი.
7. დაუმატეთ გასუფთავებული ბულგარული წიწაკა, მარილი, შავი და ცხარე წიწაკა (გემოვნებით), თეთრი ღვინის ძმარი ან ლიმონის წვენი, ბროწეულის სიროფი და ძირა.
8. დაამატეთ პურის ნაჭრები. ჩაამატეთ პურის ნატეხები ან საფანელი და დაასხით ცოტაოდენი ზეითუნის ზეთი.
9. დააბლენდერეთ ყველა ინგრედიენტი პასტისებრი მასის მიღებამდე. დააფარეთ საკვები პარკი (საკვები ცელოფანი) და გარკვეული დროით შედგით მაცივარში.