სიმინდის პური

ამ რეცეპტში შეგიძლიათ გამოიყენოთ როგორც ჩვეულებრივი ფქვილი, ისე უგლუტენო ნარევი, თუმცა გემოს საფუძველი — სიმინდის ფქვილია. პური გამოდის ფხვიერი და ძალიან გემრიელი.
მცირე რჩევა: თუ გსურთ, რომ პური უფრო არომატული გამოვიდეს, უმჯობესია გამოიყენოთ გამდნარი კარაქი.

ინგრედიენტები

• რძე — 250 მლ
• ფქვილი (უგლუტენო ნარევი) — 125 გ
• სიმინდის ფქვილი — 125 გ
• მცენარეული ან გამდნარი კარაქი — 75 გ
• დიდი კვერცხი — 1 ცალი
• შაქარი — 1 სუფრის კოვზი
• გამაფხვიერებელი — 3,5 ჩაის კოვზი
• მარილი — 1 ჩაის კოვზი

დამზადება

1. კარგად წაუსვით ცხიმი ან ჩააფინეთ საცხობი ქაღალდი კექსის მრგვალ ფორმაში ან თუჯის ტაფაში (დიამეტრით 23 სმ). გაახურეთ ღუმელი 200 °C-მდე.
2. ჯამში ერთმანეთს შეურიეთ ორივე სახეობის ფქვილი, შაქარი, მარილი და გამაფხვიერებელი. გააკეთეთ ჩაღრმავება და დაამატეთ ზეთი (ან კარაქი), რძე და კვერცხი. ამოურიეთ იქამდე, სანამ ფქვილი სრულად არ დასველდება. ცომი ამ დროს შეიძლება კოშტოვანი დარჩეს.
3. გადაიტანეთ ცომი მომზადებულ ფორმაში და გამოაცხვეთ 20–25 წუთის განმავლობაში, სანამ პურის ზედაპირი მუქ ოქროსფერ-ყავისფერ შეფერილობას არ მიიღებს, ხოლო ცენტრში ჩაჩხვლეტილი კბილის ჩხირი მშრალი არ ამოვა. მიირთვით პური ცხელი.
4. უგლუტენო პური გემოვნური თვისებებით არაფრით ჩამოუვარდება ჩვეულებრივს, ზოგს კი ის უფრო გემრიელიც ეჩვენება. თუ ეჭვობთ, რომ გაქვთ გლუტენის აუტანლობა ან მის მიმართ მგრძნობელობა, წაიკითხეთ ჩვენი ტექსტი იმის შესახებ, თუ როგორ ამოიცნოთ ეს თავისებურება და რა მოიმოქმედოთ.