მწვანე წიწიბურას პური

ეს პური მზადდება წიწიბურას ყველაზე სასარგებლო სახეობისგან — მწვანე წიწიბურასგან. ცომის მომზადებამდე მისი გაღვივებაც შეიძლება. ამისათვის წიწიბურას უნდა დაასხათ წყალი და დატოვოთ 2-3 დღე, წყალი კი პერიოდულად გამოუცვალოთ. გაღვივებული მარცვლის ბიოშეღწევადობა (სასარგებლო ნივთიერებების ათვისება) უფრო მაღალი იქნება. თუმცა, მისი მომზადება გაღვივების გარეშეც შესაძლებელია.

ინგრედიენტები

• მწვანე წიწიბურა: 200 გ
• კინოა: 100 გ (შეგიძლიათ ჩაანაცვლოთ ფეტვით, თუ ამ ბურღულს კარგად ინელებთ)
• მცენარეული რძე ან წყალი: 200 მლ
• ფსილიუმი (მრავალძარღვას ჩენჩო): 25 გ
• მარილი: 1 ჩაის კოვზი
• სოდა: 1 ჩაის კოვზი
• დაფქული ქინძი: 1 ჩაის კოვზი
• ფერმენტირებული ალაო (სოლოდი): 1 სუფრის კოვზი (შეგიძლიათ არ დაამატოთ, მაგრამ ამ შემთხვევაში წიწიბურას გემო უფრო მკვეთრად იგრძნობდება)
• ლიმონის წვენი: ნახევარი ლიმონისგან
• მზესუმზირა, სეზამი: ზემოდან მოსაყრელად

დამზადება

1. დაალბეთ წიწიბურა და კინოა (ან ფეტვი) მთელი ღამით. დილით გარეცხეთ და აცადეთ წყალს, რომ კარგად დაიწრიტოს.
2. კექსის გამოსაცხობ მართკუთხა ფორმას (დაახლოებით 1 ლიტრი მოცულობის) წაუსვით მცენარეული ზეთი ან ჩააფინეთ საცხობი ქაღალდი. ჩართეთ ღუმელი 180 °C-ზე და დაელოდეთ გაცხელებას — ცომის მომზადებისთანავე პური მაშინვე გამოსაცხობად უნდა შედგათ.
3. ბლენდერში ათქვიფეთ ორივე ბურღული, მარილი და სითხე. დაამატეთ დანარჩენი ინგრედიენტები და კიდევ ერთხელ კარგად ათქვიფეთ ერთგვაროვანი მასის მიღებამდე.
4. მიღებული ცომისგან შეკვარეთ მოგრძო პური ან პატარა ფუნთუშები, მოათავსეთ ფორმაში ან პერგამენტიან საცხობ ფირფიტაზე.
5. გამოაცხვეთ პური ან ფუნთუშები 180 °C-ზე დაახლოებით 25 წუთის განმავლობაში. მზადყოფნა შეამოწმეთ კბილის ჩხირით: პური მზადაა, თუ ჩხირი ცომიდან მშრალი ამოვა.
6. გამოცხობისთანავე ამოიღეთ პური ფორმიდან, გადაიტანეთ ცხაურზე (საშრობ ბადეზე) და სრულად გააგრილეთ.