წაბლი თაფლით

წაბლი თაფლით – უცნაურად ჟღერს, მაგრამ იმდენად გემრიელი გამოდის, რომ ეს დესერტი რისკავს, თქვენს საყვარელ ტკბილეულად იქცეს ჩაისთან. გარდა ამისა, მასში შედის ეგზოტიკური ნაყოფი ფეიხოა. ძალიან უჩვეულოა!

მომზადების აღწერა:
წაბლის თაფლით მომზადების ძალიან მარტივი რეცეპტი. დესერტს აქვს ძალიან საინტერესო გემო, რომელიც ერთდროულად აერთიანებს სიტკბოს, სიმჟავესა და სიმწარეს. ამბობენ, რომ ასეთი დესერტი უნდა მიირთვათ საუზმეზე ან სამხარზე, ახლად დაყენებულ მწვანე ჩაისთან ერთად.

ინგრედიენტები

• წაბლი 200 გრამი
• ფეიხოა 200 გრამი
• ლიმონი 1/2 ცალი (ნახევარი)
• თაფლი გემოვნებით

დამზადება

1. მშრალ ტაფაზე მოვხალოთ წაბლი დაახლოებით 15 წუთის განმავლობაში. გირჩევთ, წინასწარ დაჩხვლიტოთ წაბლი ჩანგლით (იმისთვის, რომ მოხალვისას არ 'აფეთქდეს') და მოხალოთ თავსახურის ქვეშ. მომზადებული წაბლი ადვილად სუფთავდება ნაჭუჭისგან. დავჭრათ ისინი ნახევრად და მოვათავსოთ ღრმა თეფშზე.
2. ფეიხოა გავრეცხოთ, გავფცქვნათ (კანისგან გავათავისუფლოთ) და დავჭრათ თხელ ფირფიტებად. დავამატოთ წაბლს.
3. დესერტს მოვასხათ ლიმონის წვენი და თაფლი გემოვნებით.
4. გემრიელად მიირთვით!"