ქათმის სალათი ანანასითა და სიმინდით

ქათმის სალათი ანანასითა და სიმინდით — ეს ფენოვანი სალათია. მისი მირთმევა შეგიძლიათ როგორც საერთო გამჭვირვალე სასალათით, ისე პორციულად.
ჩემი რჩევა:
ვინაიდან სალათი ფენოვანია, ეცადეთ მაიონეზი ძალიან სქლად არ წაუსვათ, რომ ინგრედიენტების გემო არ დაიკარგოს. სიმინდის ფენას ზემოდან შეგიძლიათ მოაყაროთ ცოტაოდენი მწვანე ხახვი ან ოხრახუში ვიზუალური ეფექტისთვის.

ინგრედიენტები

• ქათმის ფილე (ან ქათმის ბარკალი) — 300 გ
• კვერცხი — 2 ცალი
• კონსერვირებული სიმინდი — 200 გ
• კონსერვირებული ანანასი (ნაჭრები) — 200 გ
• მწნილის კიტრი (დამარინადებული) — 1-2 ცალი
• მაიონეზი — 80 გ
• მარილი — 1 მწიკვი

დამზადება

1. ხორცის მომზადება: გაცივებული ქათმის ხორცი დაშალეთ ბოჭკოებად ან დაჭერით წვრილ კუბიკებად.
2. მწნილის კიტრი დაჭერით თხელ ჩხირებად (სოლომკად).
3. ნაჭუჭისგან გასუფთავებული კვერცხი წვრილად დაკეპეთ.
4. გადავდივართ სალათის აწყობაზე. თუ სპეციალური კულინარიული რგოლი არ გაქვთ, შეგიძლიათ თავად დაამზადოთ პლასტმასის ბოთლისგან. პირველ ფენად დააფინეთ ქათამი. გადაუსვით მაიონეზი.
5. შემდეგი ფენაა ანანასი. წინასწარ გადაწურეთ წვენი. ამ ფენასაც წაუსვით მაიონეზი.
6. ანანასის ფენაზე მოათავსეთ კიტრი. კვლავ – მაიონეზის ფენა. ახლა სალათი უნდა დააყოვნოთ 15 წუთით, რომ კარგად გაიჟღინთოს.
7. ვაგრძელებთ სალათის ფორმირებას. კიტრიან ფენაზე დააყარეთ დაჭრილი კვერცხი.
8. დაასრულეთ კონსერვირებული სიმინდის ფენით.
9. ფრთხილად მოხსენით კულინარიული რგოლი. ფენოვანი სალათი ქათმით, ანანასითა და სიმინდით მზად არის! გემრიელად მიირთვით!