კივის ტყემალი

კივის ტყემალი არის შესანიშნავი აფხაზური სოუსი, რომელიც იდეალურად ერწყმის ხორცსა და თევზს. ის არც ისე გავრცელებულია, ამიტომაც მიმზიდველია თავისი ეგზოტიკურობით.

კივის ტყემალი შეიძლება მოამზადოთ როგორც უშუალოდ სუფრაზე მიტანის წინ, ასევე ზამთრისთვისაც გაამზადოთ. ეს განსაკუთრებით აქტუალურია მათთვის, ვინც კივის აშენებს, ვინაიდან მისი ნაყოფი დიდხანს არ ინახება.

ეს სოუსი მოეწონება ტყემლის ყველა მოყვარულს. მისი ფერი უჩვეულოა – მწვანე, ხოლო გემო უნიკალური. ეს უბრალოდ უნდა გასინჯოთ!

გემოს ვარირება შეგიძლიათ თქვენი შეხედულებისამებრ: ზოგს უფრო მეტი ნიორი უყვარს, ზოგს – პილპილი, ზოგს კი ურჩევნია ტკბილი ნოტი, რის ხაზგასასმელადაც შაქრის დამატებაა საჭირო. გასინჯეთ და ექსპერიმენტი ჩაატარეთ!

ინგრედიენტები

• კივი 200 გ
• ნიორი 2 კბილი
• ოხრახუში 0.5 კონა
• ქინძი 0.5 კონა
• მარილი 5 გ
• შაქარი 10 გ
• შავი დაფქული პილპილი გემოვნებით
• წყალი 100 მლ

დამზადება

1. • კივი გაფცქვენით (გააცალეთ კანი).
2. • დაჭერით კივი ნაჭრებად და მოათავსეთ ქვაბში.
3. • დაასხით წყალი და ადუღეთ ნელ ცეცხლზე 10-15 წუთის განმავლობაში.
4. • სანამ კივი იხარშება, დააქუცმაცეთ მწვანილი და ნიორი. ჯერ დაჭერით, შემდეგ კი გამოიყენეთ ნებისმიერი დასაქუცმაცებელი მეთოდი – მე ყავის საფქვავი გამოვიყენე.
5. • კივის ნაყოფი უკვე რბილია, ოდნავ დაჭყლიტეთ ის კოვზით ან ხის ნიჩბით.
6. • დაამატეთ დაქუცმაცებული მწვანილი, დაამარილეთ.
7. • დაამატეთ პილპილი.
8. • კარგად მოურიეთ და დადგით ცეცხლზე კიდევ 10 წუთით.
9. • შემდეგ მასა დააბლენდერეთ. თუ გსურთ კივის ტყემალი ზამთრისთვის გაამზადოთ – კიდევ ერთხელ აადუღეთ, ჩაასხით სტერილურ ქილებში და დაახურეთ სტერილური თავსახურები.
10. • სოუსი გააცივეთ და მიიტანეთ სუფრასთან ხორცის ან თევზის ძირითად კერძებთან ერთად.
11. • გემრიელად მიირთვით!