ინდაურის ღვიძლის პაშტეტი

ორიგინალური და მადისაღმძვრელი ყოველდღიური წასახემსებელი! სახლის პირობებში მომზადებული ინდაურის ღვიძლის პაშტეტი გამოდის განსაკუთრებით ნაზი და გემრიელი, რადგან ის შედგება მხოლოდ ნატურალური ინგრედიენტებისგან, მავნე დანამატებისა და კონსერვანტების გარეშე. პაშტეტი უხდება როგორც შავ, ისე თეთრ პურს.

„პაშტეტი გამოვიდა ძალიან ნაზი და გემრიელი. მისი მომზადება სულაც არ არის რთული. ამ რეცეპტით საკმაოდ ბევრი გამოდის. თუ პაშტეტი ზედმეტად სქელი გამოვიდა, დაქუცმაცების პროცესში შეგიძლიათ ცოტაოდენი ანადუღარი წყალი დაუმატოთ. თუ თქვენ გირჩევნიათ, რომ პაშტეტში სტაფილო ნაკლები იყოს, მაშინ საშუალო ზომის სტაფილო აირჩიეთ. ასეთი პაშტეტი მაცივარში, მჭიდროდ დახურულ ჭურჭელში, შეგიძლიათ შეინახოთ არაუმეტეს ხუთი დღისა. პაშტეტი შეიძლება გახდეს სადღესასწაულო სუფრის მშვენება, ის შესანიშნავად უხდება მწნილ კიტრს, მჟავე კომბოსტოსა და ახალ ბოსტნეულს. ის ასევე შეიძლება იყოს შესანიშნავი დამატება პირველი და მეორე კერძებისთვის“.

ინგრედიენტები

• ინდაურის ღვიძლი: 800 გრამი
• რძე (ღვიძლის ჩასალბობად): 300 მლ
• ხახვი: 1 ცალი
• სტაფილო: 1 ცალი
• კარაქი: 40 გრამი
• მცენარეული ზეთი (ბოსტნეულის მოსაშუშად): 40 გრამი
• მარილი: 10 გრამი

დამზადება

1. თავდაპირველად მოამზადეთ საჭირო ინგრედიენტები. უმჯობესია გამოიყენოთ ახალი ღვიძლი. თუ გაყინული გაქვთ, ჯერ გაალღვეთ (სასურველია მაცივარში, რათა ღვიძლმა წვნიანობა შეინარჩუნოს). იმისათვის, რომ ღვიძლი იყოს ნაზი, წვნიანი და არ ჰქონდეს სიმწარე, ჩაალბეთ რძეში ერთი საათით. ბოსტნეული გარეცხეთ და გაასუფთავეთ. კარაქი გამოიღეთ მაცივრიდან, რომ დარბილდეს.
2. ღვიძლი მოამზადეთ ნებისმიერი სასურველი წესით: შეგიძლიათ შეწვათ, მოხარშოთ ან მოთუშოთ. მოთუშვის შემთხვევაში, ცოტა წყალთან ერთად ტაფაზე დაახლოებით 40 წუთი დასჭირდება. მოხარშული ღვიძლი უფრო ნაზი და დიეტურია. თუ შემწვარი გირჩევნიათ, თითოეულ მხარეს 5-5 წუთი შეწვით, შემდეგ დაუმატეთ ცოტა წყალი და თავდახურული თუშეთ კიდევ 20 წუთის განმავლობაში. პაშტეტისთვის ღვიძლის დაჭრა აუცილებელი არ არის, მისი დამუშავება მთლიანადაც შეიძლება.
3. ხახვი დაჭერით და მოშუშეთ ტაფაზე, მცენარეულ ზეთში, დაბალ ცეცხლზე გამჭვირვალე ფერის მიღებამდე (დაახლოებით 5 წუთი).
4. სტაფილო გახეხეთ მსხვილ სახეხზე ან წვრილად დაჭერით და დაუმატეთ ხახვს. შუშეთ ბოსტნეული მორევით მზადყოფნამდე. ბოლოს დაელოდეთ, სანამ ბოსტნეული და ღვიძლი გაცივდება.
5. ბლენდერის თასში მოათავსეთ ღვიძლი, მოშუშული ხახვი და სტაფილო, დაუმატეთ დარბილებული კარაქი, მარილი და სანელებლები გემოვნებით. დააბლენდერეთ მასა ერთგვაროვანი კონსისტენციის მიღებამდე. თუ ინგრედიენტები ერთბაშად არ დაეტევა თასში, შეგიძლიათ პროცესი რამდენიმე ეტაპად დაყოთ. მზა პაშტეტი გადაანაწილეთ კონტეინერებში ან ქილებში და შეინახეთ მაცივარში.
6. გემრიელად მიირთვით!