ფორშმაკი ავოკადოთი

საუკეთესო წასახემსებელი! გემრიელი, ნაზი, ნოყიერი და მზადდება სწრაფად! იდეალურია ბოროდინულ პურთან ერთად და ძალიან ჰარმონიულად ეხამება ხრაშუნა პურებს (ხლებცებს)!
პატარა რჩევა მომზადებისთვის:
რადგან ამ რეცეპტში ავოკადო და ვაშლია, დაჭრის შემდეგ შეგიძლიათ ცოტაოდენი ლიმონის წვენი მოასხათ, რომ ფერი არ იცვალონ (არ გაშავდნენ) და პაშტეტმა მადისაღმძვრელი იერი შეინარჩუნოს.
საიდუმლო: ოხრახუშის მხოლოდ ფოთლების გამოყენება (ღეროების გარეშე), რაც პაშტეტს უფრო ნაზ ფერსა და ტექსტურას სძენს.

ინგრედიენტები

• ქაშაყი (200 გრამიანი ფილე) — 1 ცალი
• ავოკადო — 1 ცალი
• კვერცხი (მოხარშული) — 4 ცალი
• ვაშლი — 1 ცალი
• ოხრახუში — 1 კონა
• ნიორი — 1 კბილი
• არაჟანი — 2 სუფრის კოვზი
• მდოგვი — 1 ჩაის კოვზი
• ხრაშუნა პურები (ხლებცი) — გემოვნებით

დამზადება

1. მოამზადეთ სიაში არსებული ყველა ინგრედიენტი. კვერცხი წინასწარ მოხარშეთ და გააცივეთ. ამის შემდეგ სამუშაოს უდიდეს ნაწილს თქვენ ნაცვლად ბლენდერი შეასრულებს.
2. გარეცხეთ ვაშლი, დაჭერით ნებისმიერ ნაჭრებად და მოაცილეთ თესლი. ავოკადო გაჭერით შუაზე, ამოაცალეთ კურკა. ჩაის კოვზით ამოიღეთ რბილობი და მოათავსეთ ბლენდერის ჭიქაში.
3. ქაშაყის ფილე დაჭერით ნაჭრებად; გაასუფთავეთ და დაჭერით კვერცხი; ოხრახუშს მოაცილეთ ღეროები და დატოვეთ მხოლოდ ფოთლები; გაასუფთავეთ ნივრის კბილი. ეს ყველაფერი მოათავსეთ ბლენდერში, დაამატეთ არაჟანი, მდოგვი და დააქუცმაცეთ ნაზი კონსისტენციის მიღებამდე. სულ ეს არის!
4. სასურველია ფორშმაკი მაცივარში გააცივოთ და მხოლოდ ამის შემდეგ მიიტანოთ სუფრასთან.
5. ფორშმაკი და ხრაშუნა პურები (ხლებცი) უბრალოდ ერთმანეთისთვისაა შექმნილი! ასეთი წასახემსებელი ძალიან მოუხდება სადღესასწაულო სუფრას.
6. გემრიელად მიირთვით!