მდოგვისა და თაფლის სოუსი სალათისთვის — ნამდვილი აღმოჩენაა ზაფხულის ახალი ბოსტნეულის სალათებისთვის. ის განსაკუთრებით უხდება მწვანე სალათებს, რომელთა საფუძველია რომანოს, სხვადასხვა სახეობის სალათის ფურცლები (ლატუკი), რუკოლა, მანგოლდი და სხვა მწვანილი. ამას ემატება ხრაშუნა კიტრი, წვნიანი პომიდორი და ტკბილი ხახვი.

მდოგვისა და თაფლის სოუსში ერთიანდება სასიამოვნო სიცხარე (სიმძაფრე), სიტკბო და სიმჟავე, რომლებიც ხაზს უსვამს და აერთიანებს სალათში არსებული ყველა ბოსტნეულისა და მწვანილის გემოს.

მოამზადეთ სოუსი ჩვენი რეცეპტით და ის რამდენიმეჯერ გეყოფათ. უბრალოდ შეინახეთ დახურულ ქილაში, მაცივარში.

ინგრედიენტები

• ლიმონი 1 ცალი (დაგვჭირდება წვენი)
• მარცვლოვანი მდოგვი 2 ს.კ.
• ზეითუნის ზეთი 5 ს.კ.
• თაფლი 2 ს.კ.
• შავი დაფქული პილპილი გემოვნებით
• მარილი გემოვნებით

დამზადება

1. მოხერხებულ ჭიქაში შეურიეთ მარცვლოვანი მდოგვი თაფლთან და ურიეთ ერთგვაროვანი მასის მიღებამდე. თუ თაფლი შესქელებულია, წინასწარ ოდნავ გაათბეთ წყლის აბაზანაზე ან მიკროტალღურ ღუმელში — ის კვლავ გათხევადდება.
2. გარეცხეთ ლიმონი, შეამშრალეთ და კარგად გააგორეთ მაგიდაზე, ხელისგულებით დაჭერით (ერთი ხელისგული მეორეზე დაადეთ). ეს დაშლის ლიმონის ნაყოფის შიდა მემბრანებს და გააადვილებს წვენის მიღებას.
3. ლიმონი გაჭერით შუაზე და გამოწურეთ წვენი ერთი ნახევრიდან მდოგვისა და თაფლის ნარევში. შეურიეთ ერთგვაროვან მასამდე, შეაზავეთ ახალდაფქული შავი პილპილით და მარილით.
4. სოუსში თანდათანობით შეიტანეთ ზეითუნის ზეთი, თითო სუფრის კოვზის დამატებით. ყოველი დამატების შემდეგ კარგად ურიეთ, სანამ მასა ერთგვაროვანი არ გახდება. გასინჯეთ სოუსი და დაარეგულირეთ გემო — საჭიროების შემთხვევაში, დაამატეთ კიდევ ცოტაოდენი ლიმონის წვენი და სანელებლები.