გოგრისა და ხაჭოს „ჰაეროვანი ზაპეკანკა“

ასეთი სასარგებლო გოგრა და ხაჭო ერთ გამოცხობილ დესერტში — ეს ხომ სუფთა სარგებელია. მისი მომზადება ძალიან მარტივია. ეს არის შესანიშნავი საუზმე (და არა მხოლოდ) ბავშვისთვის და მთელი ოჯახისთვის. ნამცხვარი ნაზი და ჰაეროვანი გამოდის. ამასთან, მისი მირთმევა შეიძლება როგორც თბილ, ისე ცივ მდგომარეობაში. კერძი სრულად ინარჩუნებს თავის გემოვნურ თვისებებს.

მცირე რეკომენდაცია:
რაკი რეცეპტში რძე და მანანის ბურღული ფიგურირებს, გირჩევთ, ბურღული რძეში წინასწარ დაალბოთ დაახლოებით 15-20 წუთით. ასე ნამცხვარი კიდევ უფრო ნაზი და მართლაც „ჰაეროვანი“ გამოვა, რადგან მანკა კარგად გაფუვდება.

მნიშვნელოვანი შენიშვნები:
დესერტი ცხობისას ძალიან კარგად ამოდის, ხდება ძალიან ნაზი და ჰაეროვანი.

აცადეთ ცოტა შეგრილდეს და შემდეგ მიიტანეთ სუფრასთან.

გაციებისას ნამცხვარი ოდნავ „ჯდება“, თუმცა მაინც ჰაეროვანი რჩება.

სერვირება:
მიირთვით არაჟანთან ერთად (სურვილისამებრ). ასევე შეგიძლიათ ზემოდან შაქრის პუდრა მოაყაროთ.

გემრიელად მიირთვით!!!

ინგრედიენტები

• გოგრა — 500 გ
• ხაჭო — 250 გ
• მანანის ბურღული (მანკა) — 100 გ
• რძე — 250 მლ
• შაქარი — 150 გ
• კვერცხი — 3 ცალი
• კარაქი — ფორმის გამოსასმელად
• არაჟანი — სუფრასთან მისატანად
• მარილი — 1 მწიკვი

დამზადება

1. ფაფის მომზადება: რძითა და მანანის ბურღულით (მანკით) მოხარშეთ სქელი ფაფა.
2. გოგრის მომზადება: გოგრა გაასუფთავეთ, დაჭერით ნაჭრებად, ჩაყარეთ ქვაბში, დაასხით წყალი, აადუღეთ და ხარშეთ დაახლოებით 15 წუთი. შემდეგ გადაწურეთ წყალი და გოგრა ბლენდერით ათქვიფეთ ერთგვაროვანი პიურეს მიღებამდე.
3. მასის შეზავება: გოგრის პიურე შეურიეთ მომზადებულ ფაფას და დაუმატეთ კვერცხი. კარგად აურიეთ.
4. საბოლოო ეტაპი: დაუმატეთ ხაჭო, შაქარი, მწიკვი მარილი და კიდევ ერთხელ გულდასმით აურიეთ ყველაფერი. ამ ეტაპზე მე ყოველთვის ვსინჯავ ცომს გემოზე და თუ საჭიროა, ვამატებ იმას, რაც მაკლია.
5. გამოცხობა: საცხობ ფორმა ფორმა 20 სმ დიამეტრისაა წაუსვით კარაქი, გადაიტანეთ მასში ხაჭო-გოგრის ცომი და შედგით 180°C-მდე გახურებულ ღუმელში. აცხვეთ მზადყოფნამდე, დაახლოებით 30 წუთი. თუმცა, ორიენტირი თქვენს ღუმელზე აიღეთ — შესაძლოა ცოტა მეტი დროც დასჭირდეს.