ხორცის ზრაზები ანანასით

სიროფში მოთუშვა ხორცს ერთგვარ კარამელიზებულ ეფექტს მისცემს, რაც კარისთან ერთად საოცარ არომატს შექმნის. ეს კერძი ნამდვილად დაამშვენებს სადღესასწაულო სუფრასაც კი!

ინგრედიენტები

• ღორის ხორცი (ფარში) — 500 გ
• ქათმის მკერდი (ფარში) — 500 გ
• თეთრი ხახვი (წვრილად დაჭრილი) — 2 ცალი
• კვერცხი — 2 ცალი
• ფუნთუშა — 1 ცალი
• რძე — 0,5 ჭიქა
• ნიორი — 1 კბილი
• კარი — 1 ჩაის კოვზი
• ანანასი (კონსერვირებული, სიროფში) — 200 გ
• კარაქი — 50 გ
• მცენარეული ზეთი — 1 ჭიქა

დამზადება

1. ფუნთუშა დაალბეთ რძეში.
2. ღორის ხორცი და ქათმის მკერდი გაატარეთ ხორცსაკეპ მანქანაში.
3. ხორცსა და ხახვს დაუმატეთ დამბალი პური, კვერცხი, დაჭრილი ნიორი, მარილი, პილპილი და კარი. ძალიან კარგად აზილეთ ერთგვაროვანი მასის მიღებამდე.
4. კონსერვირებული ანანასი დაჭერით პატარა კუბიკებად. სიროფი არ გადაღვაროთ, ის აუცილებლად დაგვჭირდება.
5. ხელები დაისველეთ ანანასის სიროფით, აიღეთ ფარში და გააკეთეთ პატარა კვერი. შუაგულში მოათავსეთ კარაქის ნაჭერი და ანანასის კუბიკები. მიეცით ზრაზებს სასურველი ფორმა.
6. ზრაზები ორივე მხრიდან შეწვით ზეთში, სანამ ოქროსფერი არ გახდება.
7. შემწვარი ზრაზები ჩააწყვეთ ქვაბში, მოასხით დარჩენილი ანანასის სიროფი და თუშეთ დაბალ ცეცხლზე, თავსახურდაფარებულ მდგომარეობაში, დაახლოებით 10 წუთის განმავლობაში.